RBI/2016-17/145
DCM (Plg) No.1320/10.27.00/2016-17

November 21, 2016

ଅଧ୍ୟକ୍ଷ/ ପରିଚ଼ଳନା ନିର୍ଦ୍ଦେଶକ/ ମୁଖ୍ୟ ନିର୍ବାହୀ ଅଧିକାରୀ
ସରକାରୀ କ୍ଷେତ୍ର ବ୍ୟାଙ୍କ/ ବେସରକାରୀ କ୍ଷେତ୍ର ବ୍ୟାଙ୍କ / ବିଦେଶୀ ବ୍ୟାଙ୍କ
ଆଂଚଲିକ ଗ୍ରାମ୍ୟ ବ୍ୟାଙ୍କ /ସହରୀ ସମବାୟ ବ୍ୟାଙ୍କ / ରାଜ୍ୟ ସମବାୟ ବ୍ୟାଙ୍କ/ ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ

ମହାଶୟ

ପ୍ରଚ଼ଳିତ 500 ଓ 1000 ଟଙ୍କାର ବୈଧ ମୁଦ୍ରା ସ୍ୱରୂପ ପ୍ରତ୍ୟାହାର – ବିଶିଷ୍ଟ ବ୍ୟାଙ୍କ ନୋଟ (SBN)-ବିବାହ ଉତ୍ସବ ନିମିତ୍ତ ନଗଦ ଉଠାଣ

ଦୟାକରି ଉପରୋକ୍ତ ବିଷୟରେ ନଭେମ୍ବର 08, 2016 ତାରିଖରେ ଜାରି ଆମର ପରିପତ୍ର ସଂ. 1226/10.27.00/2016-17 ଦେଖନ୍ତୁ ।

2. ନିଜ ପିଲାମାନଙ୍କର ବିବାହ ଉତ୍ସବ ପାଳନ କରିବା ପାଇଁ ଜନସାଧାରଣଙ୍କୁ ତାଙ୍କର ବ୍ୟାଙ୍କ ଜମା ଖାତାରୁ ବିବାହ ସମ୍ବନ୍ଧୀୟ ଖର୍ଚ୍ଚ ତୁଲାଇବାକୁ ଅଧିକ ପରିମାଣର ନଗଦ ଉଠାଇବାକୁ ଅନୁମତି ଦେବାକୁ ନିଷ୍ପତ୍ତି ନିଆଯାଇଛି . ତଥାପି, ବ୍ୟାଙ୍କମାନେ ପରିବାରମାନଙ୍କୁ ଅଣନଗଦ ପ୍ରଣାଳୀ ଯଥା- ଚ଼େକ୍ / ଡ୍ରାଫ୍ଟ, ,କ୍ରେଡିଟ / ଡେବିଟ କାର୍ଡ, ପ୍ରିପେଡ କାର୍ଡ, ମୋବାଇଲ ଅନ୍ତରଣ, ଇଣ୍ଟନେଟ ବ୍ୟାଙ୍କିଙ୍ଗ ଚ଼ାନେଲ, ଏନ୍.ଇ.ଏଫ୍.ଟି. / ଆର୍.ଟି.ଜି.ଏସ୍. ଆଦି ମାଧ୍ୟମରେ ବିବାହ ଖର୍ଚ୍ଚ କରିବା ପାଇଁ ଉତ୍ସାହିତ କରିବା ଉଚ଼ିତ । ସେଥିପାଇଁ ଉଠାଣ ମଞୁର କରିବାବେଳେ ଜନସାଧାରଣଙ୍କୁ ସୂଚ଼ିତ କରାଯିବା ବିଧେୟ ଯେ, ନଗଦ ସେହି ଯାଗାରେ ହିଁ ଖର୍ଚ୍ଚ କରିବେ ଯେଉଁଠାରେ କେବଳ ନଗଦ ଆକାରରେ ଖର୍ଚ୍ଚ କରିବା ଆବଶ୍ୟକ . ନଗଦ ଉଠାଣ ନିମ୍ନଲିଖିତ ସର୍ତ୍ତ ଅନୁଯାୟୀ ହେବ :

i. ନଭେମ୍ବର 08, 2016 ର କାରବାର ଶେଷ ସୁଦ୍ଧା ଆକାଉଣ୍ଟରେ ଥିବା ଜମାରାଶିରୁ ନଭେମ୍ବର 30, 2016 ପର୍ଯ୍ୟନ୍ତ ବ୍ୟାଙ୍କ ଜମା ଖାତାରୁ ସର୍ବାଧିକ 250000 ଟଙ୍କା ଉଠାଇବା ପାଇଁ ଅନୁମତି ଦିଆଯାଉଛି ।

ii. କେବଳ କେୱାଇସି ସୁନିଶ୍ଚିତ ଆକାଉଣ୍ଟରୁ ଉଠାଣ ଅନୁମତି ଦିଆଯାଇଛି ।

iii. ଯଦି ବିବାହ ତିଥି ଡ଼ିସେମ୍ବର 30, 2016 ଦିନ କିମ୍ବା ତା ପୂର୍ବରୁ ଥାଏ ତେବେ ଉଠାଣ ହୋଇ ପାରିବ ।

iv. ବିବାହ କରୁଥିବା ବ୍ୟକ୍ତିର ବାପା କିମ୍ବା ମା’ ଦ୍ୱାରା ଉଠାଣ କରାଯାଇ ପାରିବ । ( ସେମାନଙ୍କ ମଧ୍ୟରୁ ଜଣଙ୍କୁ ଉଠାଣ ପାଇଁ ଅନୁମତି ମିଳିବ )

v. ଯେହେତୁ ଉଠାଣ ପାଇଁ ପ୍ରସ୍ତାବିତ ରାଶି ନଗଦ କାରବାର ପାଇଁ ଉଦ୍ଦିଷ୍ଟ, ସେହେତୁ ଯେଉଁ ବ୍ୟକ୍ତି ପାଇଁ ଅର୍ଥ ପ୍ରଦାନ ପ୍ରସ୍ତାବିତ ହୋଇଛି, ତାଙ୍କର ବ୍ୟାଙ୍କ ଖାତା ନ ଥିବା ପ୍ରମାଣିତ ହେବା ଦରକାର ।

vi. ଉଠାଣ ପାଇଁ ଆବେଦନ ପତ୍ର ସହ ନିମ୍ନଲିଖିତ ଦସ୍ତାବିଜ ଥିବା ଆବଶ୍ୟକ :

1. ସଂଯୁକ୍ତ ପ୍ରୁଷ୍ଠା ଅନୁଯାୟୀ ଆବେଦନ ପତ୍ର

2. ନିମନ୍ତ୍ରଣ ପତ୍ର, ଅଗ୍ରିମ ଦିଆଯାଇଥିବା ରସିଦର କପି ଯଥା ବିବାହ ମଣ୍ଡପ ବୁକିଂ, କ୍ୟାଟରିଂବାଲାକୁ ଅର୍ଥପ୍ରଦାନ ଆଦିର ପ୍ରମାଣ ପତ୍ର ।

3. ଯେଉଁ ଲୋକମାନଙ୍କୁ ନଗଦ ଅର୍ଥପ୍ରଦାନ କରାଯିବା ପାଇଁ ପ୍ରସ୍ତାବ ଦିଆଯାଇଛି ତାଙ୍କର ସବିଶେଷ ଚ଼ିଠା ଏବଂ ତତ୍ ସହିତ ସେମାନଙ୍କର ବ୍ୟାଙ୍କ ଖାତା ନ ଥିବା ବିଷୟରେ ସେମାନଙ୍କଠାରୁ ଘୋଷଣାନାମା . ସେହି ଚ଼ିଠାରେ ପ୍ରସ୍ତାବିତ ଅର୍ଥପ୍ରଦାନ ହେବାର ଉଦ୍ଦେଶ୍ୟ ସୂଚିତ ହେବା ଆବଶ୍ୟକ ।

3. ବ୍ୟାଙ୍କମାନେ ପ୍ରମାଣର ସଠିକ ରେକର୍ଡ ରଖିବେ ଏବଂ ଆବଶ୍ୟକ ସ୍ଥଳେ କର୍ତ୍ତୃପକ୍ଷଙ୍କ ଦ୍ୱାରା ସତ୍ୟାପନ ନିମିତ୍ତ ସେଗୁଡ଼ିକୁ ପ୍ରଦର୍ଶନ କରିବେ । ସେମାନଙ୍କର ପ୍ରାମାଣିକତା / ଯଥାର୍ଥ ବ୍ୟବହାର ଆଧାରରେ ଯୋଜନାଟିର ପୁନରୀକ୍ଷଣ ହେବ ।

ଆପଣଙ୍କର ବିଶ୍ୱସ୍ତ

( ପି. ବିଜୟ କୁମାର )
ମୁଖ୍ୟ ମହାପ୍ରବନ୍ଧକ

ସଂଲଗ୍ନକ : ଉପରୋକ୍ତ ଅନୁଯାୟୀ