RBI/2019-20/242
A.P. (DIR Series) Circular No. 33

മെയ് 22, 2020

എല്ലാ കാറ്റഗറി I ആതറൈസ്ഡ് ഡീലർ ബാങ്കുകൾക്കും

മാഡം/പ്രിയപ്പെട്ടസർ,

ചരക്കുകളുടേയും സേവനങ്ങളുടേയും ഇറക്കുമതി-ഇറക്കുമതി
പെയ്മെൻറുകളുടെ തീർപ്പിനുവേണ്ടിയുള്ള
സമയ പരിധികൾ ദീർഘിപ്പിച്ചു

ഇന്നു പുറപ്പെടുവിച്ച വികസനപരവും നിയന്ത്രണപരവുമായ പ്രസ്താവന യുടെ അഞ്ചാം ഖണ്ഡിക പരിശോധിക്കുക. ഇതു സംബന്ധമായി 2016 ജനുവരി 01-ന് പുറപ്പെടുവിച്ചതും കാലാകാലങ്ങളിൽ ഭേദഗതി ചെയ്തതുമായ ചരക്കുകളു ടേയും സേവനങ്ങളുടേയും ഇറക്കുമതി എന്ന വിഷയത്തിലുള്ള പ്രാമാണിക നിർദ്ദേശങ്ങളിലെ B.5.(i) ഖണ്ഡികയിലേക്ക് നിങ്ങളുടെ ശ്രദ്ധക്ഷണിക്കുന്നു. ഇതനുസരിച്ച്, ഇറക്കുമതികൾക്കു പെയ്മെൻറുകൾ (സ്വർണ്ണം, ഡയമണ്ട്/ വിലകൂടിയ രത്നങ്ങൾ ആഭരണങ്ങൾ എന്നിവയുടെ ഇറക്കുമതികൾ ഒഴികെ), കയറ്റുമതി തീയതിമുതൽ ആറുമാസത്തിനുള്ളിൽ പൂർത്തീകരിക്കേണ്ടതാണ്. പെർഫോമൻസ് ഗാരന്‍റി തുടങ്ങി, പെയ്മെന്‍റുകൾ തടഞ്ഞുവച്ച കേസുകൾക്ക് ഇത് ബാധകമാക്കിയിട്ടില്ല.

2. കോവിഡ്-19 മഹാമാരി പൊട്ടിപ്പുറപ്പെട്ടതിനാൽ നേരിട്ടതടസ്സങ്ങൾ പരിഗണിച്ച്, സാധാരണ ഇറക്കുമതികളുടെ കാര്യത്തിൽ പണമയച്ചു പെയ്മെന്‍റുകൾ പൂർത്തീകരിക്കുന്നതിനുവേണ്ടിയുള്ള കാലപരിധി (പെർഫോമൻസ് ഗാരന്‍റി തുടങ്ങി പെയ്മെന്‍റുകൾ തടഞ്ഞുവച്ച കേസുക ളൊഴികെ) ആറുമാസത്തിൽ നിന്നും 12 മാസങ്ങളായി ദീർഘിപ്പിച്ചിരിക്കുന്നു. 2020 ജൂലൈ 31-ന് മുമ്പ് നടത്തുന്ന ഇറക്കുമതികളുടെ കാര്യത്തി ലാണ് ഷിപ്പിംഗ് നടന്ന തീയതി മുതൽ 12 മാസം കണക്കാക്കേണ്ടത്.

3. A.D. ബാങ്കുകൾ അവരുടെ കക്ഷികളെ, ഈ സർക്കുലറിന്‍റെ ഉള്ളടക്കം അറിയിക്കണം.

4. ഈ നിർദ്ദേശം 1999-ലെ ഫോറിൻ എക് സ്ചേഞ്ച് മാനേജ്മെന്‍റ് ആക്ട് (FEMA) (42/1999) സെക്ഷൻ 10(4), സെക്ഷൻ 11(1) എന്നിവ പ്രകാരം പുറപ്പെടുവിച്ചിട്ടു ള്ളതാണ്. മറ്റ് ഏതെങ്കിലും നിയമങ്ങളനുസരിച്ച് അനുവാദങ്ങളോ, അനുമതികളോ നേടേണ്ടതുണ്ടെങ്കിൽ അവയ്ക്ക് നിബന്ധനകൾ ഈബാധകമല്ല.

വിശ്വാസപൂർവ്വം

(അജയ് കുമാർ മിശ്ര)
ചീഫ് ജനറൽ മാനേജർ ഇൻ-ചാർജ്