ആർ.ബി.ഐ./2018-19/104
ഡി.ബി.ആർ.ഐബിഡി.ബി.സി.19/23.67.001/2018-19

ജനുവരി 9, 2019

എല്ലാ ഷെഡ്യൂൾഡ് വാണിജ്യബാങ്കുകളും
(റീജിയണൽ റൂറൽബാങ്കുകൾ ഒഴികെ)

ഡിയർ സർ/മാഡം,

ഗോൾഡ് മോണിറ്റൈസേഷൻ പദ്ധതി 2015

ബാങ്കിംഗ് നിയന്ത്രണനിയമം 1949-ലെ 35എ വകുപ്പ് പ്രകാരം ഭാരതീയ റിസർവ് ബാങ്കിൽ നിക്ഷിപ്തമായിട്ടുള്ള അധികാരമനുസരിച്ച് റിസർവ്വ് ബാങ്ക് ഓഫ് ഇന്ത്യ (ഗോൾഡ് മോണിറ്റൈസേഷൻ പദ്ധതി 2015) മാസ്റ്റർ നിർദ്ദേശം നമ്പർ ഡി ബി ആർ. എ ബി ഡി നം.45/23.67.003/2015-16, 2015 ഒക്ടോബർ 22 ൽ ഉടൻ പ്രാബല്യത്തിൽ വരത്തക്കവണ്ണം താഴെപ്പറയുന്ന ഭേദഗതികൾ വരുത്തിയിരിക്കുന്നു.

1. നിലവിലുള്ള ഉപഖണ്ഢിക 2.1.1(iv)താഴെപ്പറയുന്ന പ്രകാരം വായിക്കേണ്ട രീതിയിൽ ഭേദഗതി വരുത്തിയിരിക്കുന്നു

“നിക്ഷേപം നടത്താൻ അർഹതയുള്ളവർ - തദ്ദേശവാസികളായ ഇന്ത്യാക്കാർ [വ്യക്തികൾ, ഹിന്ദുഅവിഭക്തകുടുംബങ്ങൾ, പ്രൊപ്രൈറ്റർ, പാർട്ടണർഷിപ്പ് സ്ഥാപനങ്ങൾ, സെബി നിയമപ്രകാരം രജിസ്റ്റർചെയ്തിട്ടുള്ള ട്രസ്റ്റുകൾ, കമ്പനികൾ, ധർമ്മസ്ഥാപനങ്ങൾ, കേന്ദ്രസർക്കാർ, സംസ്ഥാന സർക്കാർ അല്ലെങ്കിൽ കേന്ദ്രസർക്കാരിൻറെയോ സംസ്ഥാന സർക്കാരിൻറെയോ ഉടമസ്ഥതയിലുള്ള ഏതെങ്കിലും സ്ഥാപനങ്ങൾ] എന്നിവർക്ക് ഈ പദ്ധതിപ്രകാരം നിക്ഷേപം നടത്താം. രണ്ടോ അതിലധികമോ പേർചേർന്നുള്ള സംയുക്തനിക്ഷേപവും ഈ പദ്ധതിയിൽ അനുവദിക്കും. അങ്ങനെയെങ്കിൽ നിക്ഷേപതുക വരവ് വയ്ക്കുന്നത് അവരുടെ സംയുക്തനിക്ഷേപ അക്കൗണ്ടിലായിരിക്കും. ജോയിൻറ് അക്കൗണ്ടുകൾക്ക് നിലവിലുള്ള നിയമവും നോമിനേഷനും ഈ ഗോൾഡ് ഡെപ്പോസിറ്റിനും ബാധകമായിരിക്കും.

2. ഭാരതീയ റിസർവ്വ് ബാങ്ക് 2015 ഒക്ടോബർ 22 ലെ മാസ്റ്റർ നിർദ്ദേശം നമ്പർ ഡി ബി ആർ. എ ബി ഡി നം.45/23.67.003/2015-16, 2015 ഒക്ടോബർ 22 ലെ മാസ്റ്റർ നിർദ്ദേശം മേൽപ്പറഞ്ഞ മാറ്റങ്ങളടുകൂടി ഗോൾഡ് മോണിറ്റൈസേഷൻ പദ്ധതി 2015 പരിഷ്കരിച്ചിരിക്കുന്നു.

വിശ്വസ്തതയോടെ,

(പ്രകാശ് ബലിയാർ സിംഗ്)
ചീഫ് ജനറൽ മാനേജർ)