ഡിസംബര് 11, 2025
ഒഡിഷ പാര്ലാഖേമുണ്ഡി യിലെ ദി കോ-ഓപ്പെറേറ്റീവ് അര്ബന്
ബാങ്ക് ലിമിറ്റഡിനു മേൽ ഭാരതീയ റിസർവ് ബാങ്ക് പണപ്പിഴ ചുമത്തി.
‘മേല്നോട്ട പരിശോധനാ പ്രവര്ത്തനങ്ങളുടെ ചട്ടക്കൂട് (എസ് എ എഫ്) (സൂപ്പര്വൈസറി ആക്ഷന് ഫ്രെയിംവര്ക്ക്) എന്ന വിഷയത്തെ സംബന്ധിച്ച് ആര് ബി ഐ പുറപ്പെടുവിച്ചിട്ടുള്ള ചില നിര്ദ്ദിഷ്ട മാര്ഗ്ഗനിര്ദ്ദേശങ്ങളും ‘സഹകരണ ബാങ്കുകളുടെ വായ്പാ വിവര കമ്പനികളിലുള്ള അംഗത്വം’ എന്ന വിഷയത്തെ സംബന്ധിച്ച് ആര് ബി ഐ പുറപ്പെടുവിച്ചിട്ടുള്ള ചില നിശ്ചിത മാര്ഗ്ഗനിര്ദ്ദേശങ്ങളും പാലിക്കാത്തതിന് 2025 ഡിസംബര് 09 ലെ ഉത്തരവു പ്രകാരം, ഒഡിഷ പാര്ലാഖേമുണ്ഡി യിലെ ദി കോ-ഓപ്പെറേറ്റീവ് അര്ബന് ബാങ്ക് ലിമിറ്റഡിനു (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി. ഐ), 13,000 രൂപ (പതിമൂവായിരം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകളും കൂട്ടിവായിച്ച പ്രകാരവും 2005 ലെ ക്രെഡിറ്റ് ഇന്ഫര്മേഷന് കമ്പനീസ് (റെഗുലേഷന്) ആക്ടിലെ വകുപ്പ് 25 നൊപ്പം വകുപ്പ് 23 കൂട്ടിവായിച്ച പ്രകാരവും ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ വിനിയോഗിച്ചാണ് ഈ പിഴ ചുമത്തിയിരിക്കുന്നത്.
പ്രസ്തുത ബാങ്കിന്റെ മേലുള്ള നിയമപ്രകാരമുള്ള പരിശോധന, അതിന്റെ 31 മാര്ച്ച് 2025 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, ആര്.ബി.ഐ നടത്തുകയുണ്ടായി. ആര്.ബി.ഐ യുടെ മാര്ഗ്ഗരേഖകള് പാലിക്കാത്തതായുള്ള പരിശോധനാ കണ്ടെത്തലുകളുടെയും ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില് മേല്പറഞ്ഞ നിര്ദ്ദേശങ്ങള് പാലിക്കാത്തത്തില് ഉണ്ടായ വീഴ്ചയുടെ പേരില് പിഴ ചുമത്താതിരിക്കുന്നതിനുള്ള കാരണം കാണിക്കാന് നിര്ദ്ദേശിച്ച് പ്രസ്തുത ബാങ്കിന് നോട്ടിസ് നല്കുകയുണ്ടായി. നോട്ടിസിനുള്ള പ്രസ്തുത ബാങ്കിന്റെ മറുപടിയും വ്യക്തിപരമായ ഹിയറിങില് നല്കിയ വാക്കാലുള്ള സമര്പ്പണങ്ങളും പരിഗണിച്ചതിന് പ്രകാരം, മറ്റു പലതിന്റെയും കൂട്ടത്തില്, താഴെപ്പറയുന്ന കുറ്റം ചാര്ത്തലുകള് (ചാര്ജ്) നിലനില്ക്കുന്നതായി ആര്.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല് നിര്ബന്ധിതമാവുകയും ചെയ്തു.
പ്രസ്തുത ബാങ്ക്,
-
എസ് എ എഫ് നു കീഴിലുള്ള നിര്ദേശങ്ങള്ക്ക് വിരുദ്ധമായി ആര് ബി ഐ യുടെ മുന്കൂര് അംഗീകാരമില്ലാതെ മൂലധനച്ചെലവ് വഹിച്ചു.
-
അതിന്റെ ഉപഭോക്താക്കളുടെ വായ്പാ സംബന്ധമായ വിവരങ്ങള് എല്ലാ നാലു വായ്പാ വിവര കമ്പനികള്ക്കും (ക്രെഡിറ്റ് ഇന്ഫര്മേഷന് കമ്പനീസ്) സമര്പ്പിക്കുന്നതില് വീഴ്ച വരുത്തി.
ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ചുള്ള വിധപറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല് ബാങ്കിനെതിരെ ആര്.ബി.ഐ മേലില് ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല് യാതൊരു മുന്വിധിയും ഉളവാക്കുന്നതല്ല.
(ബ്രിജ് രാജ്)
ചീഫ് ജനറൽ മാനേജർ
പത്രക്കുറിപ്പ്: 2025-2026/1685 |