നവംബര് 24, 2025
കര്ണാടകയിലെ തുംകുര് ഗ്രെയിന് മെര്ച്ചന്റ്സ് കോ-ഓപ്പെറേറ്റീവ്
ബാങ്ക് ലിമിറ്റഡിനു മേൽ ഭാരതീയ റിസർവ് ബാങ്ക് പണപ്പിഴ ചുമത്തി.
“മേല്നോട്ടപരിശോധനാ പ്രവര്ത്തനങ്ങളുടെ ചട്ടക്കൂട് (സൂപ്പര്വൈസറി ആക്ഷന് ഫ്രെയിംവര്ക്- എസ് എ എഫ്)” എന്ന വിഷയത്തെ സംബന്ധിച്ച് ‘ഭാരതീയ റിസര്വ് ബാങ്ക് പുറപ്പെടുവിച്ചിട്ടുള്ള നിശ്ചിത നിര്ദ്ദേശങ്ങള് പാലിക്കാത്തതിന്, 2025 നവംബര് 20 ലെ ഉത്തരവു പ്രകാരംകര്ണാടകയിലെ തുംകുര് ഗ്രെയിന് മെര്ച്ചന്റ്സ് കോ-ഓപ്പെറേറ്റീവ് ബാങ്ക് ലിമിറ്റഡിനു (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി. ഐ), 1,00,000/- രൂപ (ഒരു ലക്ഷം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകളും കൂട്ടിവായിച്ച പ്രകാരം ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ വിനിയോഗിച്ചാണ് ഈ പിഴ ചുമത്തിയിരിക്കുന്നത്.
ബാങ്കിന്റെ മേലുള്ള നിയമപ്രകാരമുള്ള പരിശോധന, അതിന്റെ 31 മാര്ച്ച് 2024 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി ആര് ബി ഐ നടത്തുകയുണ്ടായി. നിയമപരമായ വ്യവസ്ഥകളുടെ ലംഘനം നടന്നതായുള്ള മേല്നോട്ട പരിശോധനാ കണ്ടെത്തലുകളുടെയും ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില് മേല്പറഞ്ഞ നിര്ദ്ദേശങ്ങള് പാലിക്കാത്തത്തില് ഉണ്ടായ വീഴ്ചയുടെ പേരില് പിഴ ചുമത്താതിരിക്കുന്നതിനുള്ള കാരണം കാണിക്കാന് നിര്ദ്ദേശിച്ച് പ്രസ്തുത ബാങ്കിന് നോട്ടിസ് നല്കുകയുണ്ടായി. നോട്ടിസിനുള്ള പ്രസ്തുത ബാങ്കിന്റെ മറുപടിയും കൂടാതെ വ്യക്തിപരമായ ഹിയറിങില് നല്കിയ വാക്കാലുള്ള സമര്പ്പണങ്ങളും പരിഗണിച്ചതിന് പ്രകാരം, മറ്റു പലതിന്റെയും കൂട്ടത്തില്, താഴെപ്പറയുന്ന കുറ്റം ചാര്ത്തലുകള് (ചാര്ജ്) നിലനില്ക്കുന്നതായി ആര്.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല് നിര്ബന്ധിതമാവുകയും ചെയ്തു.
പ്രസ്തുത ബാങ്ക് :
-
അപകട സാധ്യതാ മൂല്യം 100%-ലധികം ഉള്ക്കൊള്ളുന്ന പുതിയ വായ്പകളും അഡ്വാന്സുകളും അനുവദിച്ചു.
-
ഭാരതീയ സ്റ്റേറ്റ് ബാങ്ക് വാഗ്ദാനം ചെയ്യുന്നതിനെക്കാള് അധികം പലിശ നിരക്ക് സ്ഥിര നിക്ഷേപങ്ങള്ക്ക് വാഗ്ദാനം ചെയ്തു.
-
ഉയര്ന്ന നിലയില് നിഷ്ക്രിയ ആസ്തികള് ഉള്ളതും തിരിച്ചടവ് മുടങ്ങിയതുമായ മേഖലയ്ക്ക് വായ്പ സൌകര്യങ്ങള് അനുവദിക്കുകയും പുതുക്കുകയും ചെയ്തു .
ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല് ബാങ്കിനെതിരെ ആര്.ബി.ഐ മേലില് ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല് യാതൊരു മുന്വിധിയും ഉളവാക്കുന്നതല്ല.
(ബ്രിജ് രാജ്)
ചീഫ് ജനറൽ മാനേജർ
പത്രക്കുറിപ്പ്: 2025-2026/1558 |