നവംബര് 04, 2025
മഹാരാഷ്ട്ര പാല്ഘറിലെ വിവ ഹോം ഫിനാന്സ് ലിമിറ്റഡിനു മേൽ
ഭാരതീയ റിസർവ് ബാങ്ക് പണപ്പിഴ ചുമത്തി.
‘ബാങ്കിംഗ് ഇതര ധനകാര്യ കമ്പനി (നോണ്-ബാങ്കിംഗ് ഫിനാന്ഷ്യല് കമ്പനി) – ഭവന ധനകാര്യ കമ്പനി (ഹൌസിംഗ് ഫിനാന്സ് കമ്പനി) (റിസര്വ് ബാങ്ക്) – നിര്ദ്ദേശങ്ങള്, 2021’ എന്ന വിഷയത്തില് ആര് ബി ഐ പുറപ്പെടുവിച്ചിട്ടുള്ള ചില നിശ്ചിത മാര്ഗ്ഗനിര്ദ്ദേശങ്ങള് പാലിക്കാത്തതിന്, 2025 ഒക്ടോബര് 23 ലെ ഉത്തരവു പ്രകാരം, മഹാരാഷ്ട്ര പാല്ഘറിലെ വിവ ഹോം ഫിനാന്സ് ലിമിറ്റഡിനു (പ്രസ്തുത കമ്പനി) മേൽ ഭാരതീയ റിസർവ് ബാങ്ക് (ആർ.ബി. ഐ), 10,000 രൂപ (പതിനായിരം രൂപ മാത്രം) പിഴ ചുമത്തി. 1987 ലെ നാഷണല് ഹൌസിംഗ് ബാങ്ക് ആക്ടിലെ 52 എ വകുപ്പ് പ്രകാരം ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ വിനിയോഗിച്ചാണ് ഈ പിഴ ചുമത്തിയിരിക്കുന്നത്.
പ്രസ്തുത കമ്പനിയുടെ മേലുള്ള നിയമപ്രകാരമുള്ള പരിശോധന, അതിന്റെ 31 മാര്ച്ച് 2023 ഉം 31 മാര്ച്ച് 2024 ഉം വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, നാഷണല് ഹൌസിംഗ് ബാങ്ക് നടത്തുകയുണ്ടായി. ആര്.ബി.ഐ യുടെ മാര്ഗ്ഗരേഖകള് പാലിക്കാത്തതായുള്ള പരിശോധനാ കണ്ടെത്തലുകളുടെയും ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില് മേല്പറഞ്ഞ നിര്ദ്ദേശങ്ങള് പാലിക്കാത്തത്തില് ഉണ്ടായ വീഴ്ചയുടെ പേരില് പിഴ ചുമത്താതിരിക്കുന്നതിനുള്ള കാരണം കാണിക്കാന് നിര്ദ്ദേശിച്ച് പ്രസ്തുത കമ്പനിക്ക് നോട്ടിസ് നല്കുകയുണ്ടായി. നോട്ടിസിനുള്ള പ്രസ്തുത കമ്പനിയുടെ മറുപടിയും വ്യക്തിപരമായ ഹിയറിങില് നല്കിയ വാക്കാലുള്ള സമര്പ്പണങ്ങളും പരിഗണിച്ചതിന് പ്രകാരം, മറ്റു പലതിന്റെയും കൂട്ടത്തില്, താഴെപ്പറയുന്ന കുറ്റം ചാര്ത്തല് (ചാര്ജ്) നിലനില്ക്കുന്നതായി ആര്.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല് നിര്ബന്ധിതമാവുകയും ചെയ്തു.
പ്രസ്തുത കമ്പനി, മുഴുവന് സമയ ഡയറക്ടറെ നിയമിക്കുന്നതിനായുള്ള ആര് ബി ഐ യുടെ രേഖാമൂലമുള്ള മുന്കൂര് അനുവാദം ലഭ്യമാക്കുന്നതില് വീഴ്ച വരുത്തുകയും തല്ഫലമായി സ്വതന്ത്ര ഡയറക്ടര്മാര് ഒഴികെയുള്ള കമ്പനിയുടെ 30%-ലധികം ഡയറക്ടര്മാരുടെ മാറ്റത്തിന് കാരണമാവുകയും ചെയ്തു.
ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല് ബാങ്കിനെതിരെ ആര്.ബി.ഐ മേലില് ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല് യാതൊരു മുന്വിധിയും ഉളവാക്കുന്നതല്ല.
(ബ്രിജ് രാജ്)
ചീഫ് ജനറൽ മാനേജർ
പത്രക്കുറിപ്പ്: 2025-2026/1448 |