ജനുവരി 13, 2025
തമിഴ് നാട്ടിലെ ‘ദി കാമരാജ് കോ-ഓപ്പറേറ്റിവ് ടൌണ് ബാങ്ക് ലിമിറ്റഡിനു’
മേൽ ഭാരതീയ റിസർവ് ബാങ്ക് പണപ്പിഴ ചുമത്തി
ഭാരതീയ റിസര്വ് ബാങ്ക്, “മേല്നോട്ടപരിശോധനാ പ്രവര്ത്തനങ്ങളുടെ ചട്ടക്കൂട് (സൂപ്പര്വൈസറി ആക്ഷന് ഫ്രെയിംവര്ക്- എസ് എ എഫ്)” എന്ന വിഷയത്തിനു കീഴില് പുറപ്പെടുവിച്ചിട്ടുള്ള ചില നിര്ദ്ദിഷ്ട മാര്ഗ്ഗനിര്ദ്ദേശങ്ങളും കൂടാതെ “മൂലധന പര്യാപ്തതയെ സംബന്ധിച്ച പ്രുഡെന്ഷിയല് മാനദണ്ഡങ്ങള് - യൂ സി ബി കള്” ‘നിങ്ങളുടെ ഉപഭോക്താവിനെ അറിയുക (കെ വൈ സി)’ എന്നീ വിഷയങ്ങളെ സംബന്ധിച്ച് പുറപ്പെടുവിച്ചിട്ടുള്ള ചില നിശ്ചിത മാര്ഗ്ഗനിര്ദ്ദേശങ്ങളും പാലിക്കാത്തതിന് 2025 ജനുവരി 03 ലെ ഉത്തരവു പ്രകാരം തമിഴ് നാട്ടിലെ ‘ദി കാമരാജ് കോ-ഓപ്പറേറ്റിവ് ടൌണ് ബാങ്ക് ലിമിറ്റഡിനു’ (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി.ഐ), 2,00,000/- രൂപ (രണ്ടു ലക്ഷം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകളും കൂട്ടിവായിച്ച പ്രകാരം ആർ.ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.
ബാങ്കിന്റെ മേലുള്ള നിയമപ്രകാരമുള്ള പരിശോധന, അതിന്റെ 31 മാര്ച്ച് 2023 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി ആര്.ബി.ഐ നടത്തുകയുണ്ടായി. ആര്.ബി.ഐ യുടെ മാര്ഗ്ഗരേഖകളും ഇതു സംബന്ധിച്ച അനുബന്ധ കത്തിടപാടുകളും പാലിക്കാത്തതായുള്ള പരിശോധനാ കണ്ടെത്തലുകളുടെ അടിസ്ഥാനത്തില് മേല്പറഞ്ഞ നിര്ദ്ദേശങ്ങള് പാലിക്കാത്തത്തില് ഉണ്ടായ വീഴ്ചയുടെ പേരില് പിഴ ചുമത്താതിരിക്കുന്നതിനുള്ള കാരണം കാണിക്കാന് നിര്ദ്ദേശിച്ച് പ്രസ്തുത ബാങ്കിന് നോട്ടീസ് നല്കുകയുണ്ടായി.
നോട്ടീസിനുള്ള പ്രസ്തുത ബാങ്കിന്റെ മറുപടിയും വ്യക്തിപരമായ ഹിയറിങില് നല്കിയ വാക്കാലുള്ള സമര്പ്പണങ്ങളും പരിഗണിച്ചതിന് പ്രകാരം, മറ്റു പലതിന്റെയും കൂട്ടത്തില്, താഴെപ്പറയുന്ന കുറ്റം ചാര്ത്തലുകള് (ചാര്ജ്) നിലനില്ക്കുന്നതായി ആര്.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല് നിര്ബന്ധിതമാവുകയും ചെയ്തു.
പ്രസ്തുത ബാങ്ക്:
-
എസ്.എ.എഫ് നു കീഴില് പുറപ്പെടുവിച്ചിട്ടുള്ള മാര്ഗ്ഗനിര്ദ്ദേശങ്ങള് പാലിക്കാതെ, ഏക വായ്പാ സ്വീകര്ത്താവിന് അര്ഹമായ വെളിപ്പെടുത്തല് പരിധിയേക്കാള് കവിഞ്ഞ വായ്പകള്, കൂടാതെ അപകട സാധ്യതാ മൂല്യം 100% - ത്തില് അധികം ഉള്ക്കൊള്ളുന്ന പുതിയ വായ്പകള്, അഡ്വാന്സുകള് എന്നിവ അനുവദിച്ചു.
-
സി. ആര്. എ. ആര്., റെഗുലേറ്ററി മിനിമത്തെക്കാള് കുറവായിരുന്നിട്ടു കൂടി, ഓഹരി സംബന്ധിതമായ കടം വാങ്ങല് മാനദണ്ഡങ്ങള് (ഷെയര് ലിങ്കിoഗ് ബോറോവിoഗ് നോര്മ്സ്) പാലിക്കാതെ, ചില നിശ്ചിത വായ്പകള് അനുവദിച്ചു.
-
സി. ആര്. എ. ആര്. റെഗുലേറ്ററി മിനിമത്തെക്കാള് കുറവായിരുന്നിട്ടു കൂടി, അതിന്റെ അംഗങ്ങള്ക്ക് ഓഹരി മൂലധനം മടക്കി നല്കുന്നതിന് അനുവദിച്ചു.
-
ഉപഭോക്താക്കളുടെ കെ വൈ സി വിവരങ്ങള് സെന്ട്രല് കെ വൈ സി റെക്കാർഡ്സ് രെജിസ്ട്രിയില് (സി കെ വൈ സി ആര്), നിര്ദ്ദിഷ്ട സമയ പരിധിക്കുള്ളില്, കൂട്ടിച്ചേര്ക്കുന്നതില് വീഴ്ച വരുത്തി.
ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല് ബാങ്കിനെതിരെ ആര്.ബി.ഐ മേലില് ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല് യാതൊരു മുന്വിധിയും ഉളവാക്കുന്നതല്ല.
(പുനീത് പഞ്ചോളി)
ചീഫ് ജനറൽ മാനേജർ
പത്രക്കുറിപ്പ്: 2024-2025/1917 |