ഒക്ടോബര് 28, 2024
മഹാരാഷ്ട്ര വൈജാപൂരിലെ ‘ദി വൈജാപുര് മെര്ച്ചന്റ്സ്
കോ- ഓപ്പറേറ്റിവ് ബാങ്ക് ലിമിറ്റഡിന്‘ മേൽ ഭാരതീയ റിസർവ് ബാങ്ക്
പണപ്പിഴ ചുമത്തി
“മേല്നോട്ടപരിശോധനാ പ്രവര്ത്തനങ്ങളുടെ ചട്ടക്കൂട് (സൂപ്പര്വൈസറി ആക്ഷന് ഫ്രെയിംവര്ക്- എസ് എ എഫ്)” എന്ന വിഷയത്തിനു കീഴില് ഭാരതീയ റിസര്വ് ബാങ്ക് പുറപ്പെടുവിച്ചിട്ടുള്ള ചില നിര്ദ്ദിഷ്ട മാര്ഗ്ഗനിര്ദ്ദേശങ്ങള് പാലിക്കാത്തതിനും, കൂടാതെ, ‘നിങ്ങളുടെ ഉപഭോക്താവിനെ അറിയുക (കെ വൈ സി) - മാനദണ്ഡങ്ങള് ” എന്ന വിഷയത്തെ സംബന്ധിച്ച് ആര് ബി ഐ പുറപ്പെടുവിച്ചിട്ടുള്ള നിശ്ചിത മാര്ഗ്ഗരേഖകള് പാലിക്കാത്തതിനും 2024 ഒക്ടോബര് 21 ലെ ഉത്തരവു പ്രകാരം, മഹാരാഷ്ട്ര വൈജാപൂരിലെ ‘ദി വൈജാപുര് മെര്ച്ചന്റ്സ് കോ- ഓപ്പറേറ്റിവ് ബാങ്ക് ലിമിറ്റഡിന് (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി. ഐ), 7,50,000/- രൂപ (ഏഴു ലക്ഷത്തി അന്പതിനായിരം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) വകുപ്പിനൊപ്പം 46(4)(i), 56 എന്നീ വകുപ്പുകള് കൂട്ടിവായിച്ച പ്രകാരം ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.
പ്രസ്തുത ബാങ്കിന്റെ മേലുള്ള നിയമപ്രകാരമുള്ള പരിശോധന, അതിന്റെ 31 മാര്ച്ച് 2023 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, ആര്.ബി.ഐ നടത്തുകയുണ്ടായി. ആര്.ബി.ഐ യുടെ മാര്ഗ്ഗരേഖകളും ഇതു സംബന്ധിച്ച അനുബന്ധ കത്തിടപാടുകളും പാലിക്കാത്തതായുള്ള പരിശോധനാ കണ്ടെത്തലുകളുടെ അടിസ്ഥാനത്തില്, മേല്പറഞ്ഞ നിര്ദ്ദേശങ്ങള് പാലിക്കാത്തതില് ഉണ്ടായ വീഴ്ചയുടെ പേരില് പിഴ ചുമത്താതിരിക്കുന്നതിനുള്ള കാരണം കാണിക്കാന് നിര്ദ്ദേശിച്ച് പ്രസ്തുത ബാങ്കിന് നോട്ടിസ് നല്കുകയുണ്ടായി.
നോട്ടീസിനുള്ള പ്രസ്തുത ബാങ്കിന്റെ മറുപടിയും വ്യക്തിപരമായ ഹിയറിങ്ങില് നല്കിയ വാക്കാലുള്ള മറുപടിയും കൂടാതെ, പ്രസ്തുത ബാങ്കിന്റെ വിശേഷാലുള്ള സമര്പ്പണങ്ങളും പരിഗണിച്ചതിന് പ്രകാരം മറ്റുപലതിന്റെയും കൂട്ടത്തില്, താഴെ പറയുന്ന കുറ്റം ചാര്ത്തലുകള് (ചാര്ജ്) നിലനില്ക്കുന്നതായി ആര്.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല് നിര്ബന്ധിതമാവുകയും ചെയ്തു.
പ്രസ്തുത ബാങ്ക്:
-
ചില നിശ്ചിത സ്ഥാപനങ്ങള്ക്ക് സംഭാവനകള് നല്കിയതിനു പുറമെ
നിക്ഷേപങ്ങള്ക്ക് (പുതിയത്/പുതുക്കിയത്), ഭാരതീയ സ്റ്റേറ്റ് ബാങ്ക് വാഗ്ദാനം ചെയ്യുന്നതിനെക്കാള് അധികമായ ഉയര്ന്ന പലിശ നിരക്ക് , എസ് എ എഫ് - ന് കീഴിലുള്ള നിര്ദ്ദേശങ്ങള്ക്ക് വിരുദ്ധമായി , വാഗ്ദാനം ചെയ്തു.
-
സംശയാസ്പദമായ ഇടപാടുകളുടെ, ഫലപ്രദമായ തിരിച്ചറിയലിന്റെയും റിപ്പോര്ട്ടിoഗിന്റെയും ഭാഗമായിട്ടുള്ള മുന്നറിയിപ്പ് നല്കുന്നതിനുള്ള, സുശക്തമായ സോഫ്റ്റ് വെയര് പ്രയോഗത്തില് വരുത്തുന്നതില് വീഴ്ച സംഭവിച്ചു.
ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് പ്രസ്തുത ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല് പ്രസ്തുത ബാങ്കിനെതിരെ ആര്.ബി.ഐ മേലില് ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല് യാതൊരുവിധ മുന്വിധിയും ഉളവാക്കുന്നതല്ല.
(പുനീത് പഞ്ചോളി)
ചീഫ് ജനറൽ മാനേജർ
പത്രക്കുറിപ്പ്: 2024-2025/1388 |