മാർച്ച് 30, 2019
വിജയാ ബാങ്കിന്റേയും ദേനാ ബാങ്കിന്റേയും ശാഖകൾ 2019 ഏപ്രിൽ 1 മുതൽ
ബാങ്ക് ഓഫ് ബറോഡയുടെ ശാഖകളായി പ്രവർത്തിക്കും
ഗവൺമെന്റ് ഓഫ് ഇൻഡ്യ, 2019 ജനുവരി 2-ന് പുറപ്പെടുവിച്ച വിജയബാങ്ക്-ദേനാ ബാങ്ക്, ബാങ്ക് ഓഫ് ബറോഡയുമായുള്ള ലയനപദ്ധതി 2019, ഇന്ത്യാ ഗവൺമെന്റ് ഗസറ്റ് എക്സ്ട്രാ-ഓർഡിനറി പാർട്ട് II, സെക്ഷൻ 3 സബ് സെക്ഷൻ (1) ൽ പ്രസിദ്ധപ്പെടു ത്തിയതിൻപ്രകാരം വിജയാബാങ്കും, ദേനാബാങ്കും ബാങ്ക് ഓഫ് ബറോഡയുമായി ലയിപ്പിക്കാനുള്ള അനുമതി ഉണ്ടായിട്ടുണ്ട്. ബാങ്കിംഗ് കമ്പനികൾ (ഏറ്റെടുക്കലും സ്ഥാപനങ്ങൾ മാറ്റം വെയ്ക്കലും) നിയമം 1970 (5/1970) സെക്ഷൻ 9, ബാങ്കിംഗ് കമ്പനികൾ (ഏറ്റെടുക്കലും സ്ഥാപനങ്ങൾ മാറ്റം ചെയ്യലും) നിയമം 1980 (ആക്ട് 40/1980) സെക്ഷൻ 9 പ്രകാരവുമാണ് ഈ ലയനം നടത്തിയിട്ടുള്ളത്. 2019 ഏപ്രിൽ 1 മുതൽ പദ്ധതി നടപ്പിൽ വരും.
ഇതനുസരിച്ച്, 2019 ഏപ്രിൽ 1 മുതൽ വിജയാ ബാങ്കിന്റേയും ദേനാ ബാങ്കിന്റേയും ശാഖകൾ ബാങ്ക് ഓഫ് ബറോഡയുടെ ശാഖകളായി പ്രവർത്തിക്കും. വിജയാബാങ്കിന്റേയും ദേനാബാങ്കിന്റേയും, നിക്ഷേപകരുൾപ്പെടെയുള്ള ഇടപാടുകാർ, 2019 ഏപ്രിൽ 1 മുതൽ ബാങ്ക് ഓഫ് ബറോഡയുടെ ഇടപാടുകാരായി കണക്കാക്ക പ്പെടും.
അജിത് പ്രസാദ്
അസിസ്റ്റൻറ് അഡ്വൈസർ
പ്രസ്സ് റിലീസ് 2018-2019/2329 |