മെഹ്സാന അർബൻ കോ -ഓപ്പറേറ്റീവ് ബാങ്ക്, മെഹ്സാന (ഗുജറാത്ത്) - പിഴ ചുമത്തിയിരിക്കുന്നു |
മെയ് 14, 2018
മെഹ്സാന അർബൻ കോ -ഓപ്പറേറ്റീവ് ബാങ്ക്, മെഹ്സാന (ഗുജറാത്ത്) - പിഴ
ചുമത്തിയിരിക്കുന്നു.
.ഡയറക്ടേഴ്സിനും അവരുടെ ബന്ധുക്കൾക്കും വായ്പ നൽകുന്നതിലും ഇടപാടുകാരനെ തിരിച്ചറിയൽ, കള്ളപ്പണം വെളുപ്പിക്കലിനെതിരായുള്ള പെരുമാറ്റച്ചട്ടം, ഗ്രൂപ് എക്സ് പോഷർ എന്നീ കാര്യങ്ങളിൽ ഭാരതീയ റിസർവ്ബാങ്ക് പുറപ്പെടുവിച്ച നിർദേശങ്ങളും ഉത്തരവുകളും ലംഘിച്ചതിനാൽ 1949 ലെ ബാങ്കിംഗ് റഗുലേഷന് നിയമം (സഹകരണ സ്ഥാപനങ്ങള്ക്ക് ബാധകമായത്) 47 എ (1) (c), 46(4) എന്നീ വകുപ്പുകള് പ്രകാരം ഭാരതീയ റിസര്വ് ബാങ്കിൽ നിക്ഷിപ്തമായ അധികാരം ഉപയോഗിച്ച് യൂണിവേഴ്സൽ കോ-ഓപ്പറേറ്റീവ് അർബൻ ബാങ്കിന് ഒരു കോടി രൂപയുടെ പിഴ ചുമത്തിയിരിക്കുന്നു.
ഭാരതീയ റിസര്വ് ബാങ്ക് നല്കിയ കാരണം കാണിക്കൽ നോട്ടീസിന് ബാങ്ക് എഴുതി തയ്യാറാക്കിയ മറുപടിയിലൂടെ വിശദീകരണം നല്കുകയുണ്ടായി. ഈ വിഷയത്തിന് ആസ്പദമായ എല്ലാ വസ്തുതകളും ബാങ്കിന്റെ മറുപടിയും നേരിട്ടു നൽകിയ വിശദീകരണവും കൂലംകക്ഷമായി പരിശോധിച്ചതിനുശേഷം ബാങ്ക് നിർദ്ദേശങ്ങൾ ലംഘിച്ചു എന്ന് ഉറപ്പുവരുത്തുകയും അതിനാൽ പിഴ ചുമത്തേണ്ടതാണ് എന്ന നിഗമനത്തിൽ ഭാരതീയ റിസര്വ് ബാങ്ക് എത്തുകയും ചെയ്തു.
അജിത് പ്രസാദ്
അസിസ്റ്റന്റ് അഡ്വൈസർ
പത്രപ്രസ്താവന:2017-2018/2983 |
|