മാർച്ച് 10, 2017
ആർബിഐ വെബ്സൈറ്റ് ഇപ്പോൾ നിങ്ങളുടെ വിരൽത്തുമ്പിൽ
ഇന്ന് റിസർവ് ബാങ്ക് ഓഫ് ഇൻഡ്യ അതിന്റെ വെബ്സൈറ്റി (www.rbi.org.in) ന്റെ ഒരു മൊബൈൽ ആപ്ലിക്കേഷൻ പതിപ്പ് (app) ഔപചാരികമായി സമാരംഭിച്ചിട്ടുണ്ട്. ഈ app, ആൻഡ്രോയിഡിലും, iOS പ്ലാറ്റ്ഫോമുകളിലും ലഭിക്കും; മാത്രമല്ല പ്ലേസ്റ്റോർ / App സ്റ്റോർ എന്നിവയിൽ നിന്നും ഒരാളിന്റെ ആൻഡ്രോയിഡ് ഫോൺ അല്ലെങ്കിൽ ഐഫോണിലേക്ക് ഇത് ഡൗൺലോഡ് ചെയ്യുകയുമാവാം.
തുടക്കത്തിൽ പ്രസ്സ് റിലീസുകൾ, IFSC / MICR കോഡുകൾ, ബാങ്ക് അവധിദിനങ്ങൾ, നിലവിലെ നിരക്കുകൾ (പോളിസി നിരക്കുകൾ, റഫറൻസ് നിരക്കുകൾ) എന്നിവ ഈ app - ൽ ലഭ്യമാക്കിയിട്ടുണ്ട്. App-ന്റെ ലാൻഡിംഗ് പേജിന്റെ മുകൾഭാഗത്തായി ഒരു ഡയനാമിക് ജാലകം കാണാം. ഇത് ഇടവിട്ടിടവിട്ട്, പൊതുജനങ്ങൾക്കുവേണ്ടിയുള്ള മൂന്നു അവബോധന സന്ദേശങ്ങൾ, പുതിയ 2000, 500 രൂപയുടെ കറൻസിനോട്ടുകൾ, 'ആർബിഐ കഹ്താഹേ' സിരീസിലുള്ള ആർബിഐയുടെ കെവൈസി സംബന്ധമായ സന്ദേശം - തുടങ്ങിയവ പ്രദർശിപ്പിക്കുന്നു. ഇതിൽ ഒന്നിൽ 'ക്ലിക്' ചെയ്താൽ ആ സന്ദേശത്തിന്റെ മുഴുവൻ വിവരങ്ങളും അറിയാൻ കഴിയും. ൈസറ്റിൽ പ്രവേശിക്കുന്ന ഒരാൾക്ക് 'പുഷ്' നോട്ടിഫിക്കേഷൻ എന്ന സംവിധാനം പ്രവർത്തിപ്പിക്കുമ്പോൾ, പുതിയ റിലീസുകളെപ്പറ്റിയുള്ള ജാഗ്രതാ അറിയിപ്പുകളും ലഭിക്കും.
സൈറ്റുപയോഗിക്കുന്നവർ, ഈ app കൂടുതൽ പ്രയോജനകരവും രസകരവുമായിമാറ്റാൻ അവരുടെ പ്രതികരണങ്ങളും നിർദ്ദേശങ്ങളും, ഇ മെയിൽ മുഖാന്തിരം അയക്കുക.
ഷിബി എസ്. മത്തായി
മാനേജർ
പ്രസ്സ് റിലീസ് 2016-2017/2419 |